Dualar

Ey Atamız

Ey göylərdə olan Atamız,

Adın müqəddəs tutulsun.

Səltənətin gəlsin.

Göydə olduğu kimi,

Yerdə də Sənin iradən olsun.

Gündəlik çörəyimizi bizə bu gün ver;

Və bizə borclu olanları bağışladığımız kimi,

Bizim borclarımızı da bağışla;

Və bizi imtahana çəkmə,

Lakin bizi şərdən xilas et.

Çünki səltənət, qüdrət və izzət

Əbədi olaraq Sənindir.

Amin.

Salam, Məryəm

Salam, mübarək Məryəm!

Rəbb səninlədir.

Sən qadınlar araşında

bəxtiyarsan və sənin

bətninin Səmərəsi İsa bəxtiyardır.

Müqəddəs Məryəm,

Allah Anası, indi və ölüm

saatımızda biz günahkarlar

üçün dua et.

Amin

Müqəddəs Üçlüyə Həmd

Ataya, Oğula və Müqəddəs Ruha

indi də, həmişə də, əbədi olaraq da həmd olsun.  Amin.

Apostol İnam Simvolu

Allaha, Qadir Ataya, yeri və göyü Yaradana inanıram.

Və İsa Məsihə, Onun Yeganə Oğluna, bizim Rəbbimizə inanıram ki,

O Müqəddəs Ruh tərəfindən qoyuldu,

Bakirə Məryəm tərəfindən doğuldu,

Ponti Pilatın yanında əzab çəkdi,

çarmıxa çəkildi, öldü və dəfn edildi,

cəhənnəmə endi,

üçüncü gün ölülərdən dirildi,

göylərə qalxdı

və Qadir Ata Allahın yanında əyləşir

və oradan diriləri və ölüləri mühakimə

etməyə gələcək.

Müqəddəs Ruha,

müqəddəs ümumdünya kilsəsinə,

Müqəddəslərin Ünsiyyətinə,

günahların bağışlanmasına,

bədənin dirilməsinə,

əbədi həyata inanıram.  Amin.

Böyük imanın açıqlanması

Bir tək Allaha inanıram.

Yerin və göyün,

görünən və görünməyən bütün varlığların yaradanı her şəyə qadir

Ata Allaha inanıram.

Bütün əsrlərdən əvvəl Atadan dünyaya gəlmiş,

Allahın yeganə oğlu,

bir tək Rəbb olan Məsih İsaya inanıram.

O, Allahdan Allah,

Nurdan nur,

həqiqi Allahdan Həqiqi Allahdır.

Yaradılmış olmayıb Ata isə eynidir

və her şəy onun vəsitəsi ilə yaradılmışdır.

Biz insanlar qurtulusumuz üçün göydən enmiş,

Müqəddəs Ruhun qudrətilə

bakirəMəryəmdən Vücüd alıb insan olmuşdur.

Pontius Pilatus vaxtında bizim üçün acı çəkərək çarmıxa çəkilmiş,

ölmüş, dəfn edilmiş

və Müqəddəs yazılara görə üç gündən sonra dirilmişdir.

Göyə çıxmış

və Atanın sağında oturmaqdadır.

Diriləri və ölüləri mühakimə etmək üçün

təkrar gələcək

və onun hökümdarlığı heç vaxt sona çatmayacaqdır.

Peyğəmbərlər vasitəsi ilə danışmış olan

Ata və oğuldan çıxıb,

Ata və Oğul ilə birlikdə sitayiş edilən və ucaltılan,

həyatın qaynağı və Rəbb olan,

Müqəddəs Ruha inanıram.

Havarilərin imanına inanam , katolik və müqəddəs olan tək kilsəyə inanıram.

Günahların əff edilməsi üçün tək bir vaftizi qəbul edirəm,

ölulərin dirilişini və əbədi həyatı gözləyirəm.

Amin.

Müqəddəs Ruha himn

Bizə gəl Müqəddəs Ruh;

Göndər sonsuz işığın,

Səmavi şüasını.

Gəl, ey yetimlər Atası.

Gəl, ey nemətlər qaynağı.

Gəl, ey qəlbin nuru.

Sən gerçək təsəlliçi,

Sən səxavətli qəlblərin,

Nurlu Qonağı varsan,

İncə sərinlik Sənsən.

Zəhmətdən dinc rahatlıq,

Bürküdə təravət mehi,

Ağlayan zaman təsəlli,

Səmanın mübarək Nuru.

Nur çilə sadiqlərin,

Möminlərin qəlbinə.

Razılığın olmadan,

İnsanın gücü olmaz,

Şərdən savunma olmaz.

Yu təmiz olmayanı,

İslat quruyub qalanı,

Sağalt zərər dəyəni,

Yumşalt qəddarlaşanı,

Qızdır üşüyüb donanı,

Düz yola qoy azanı.

Bütün etiqadçılarına,

Möhkəm təvəkkül ver,

Yeddiqat qutsallıq ver,

Heyrətamiz mükafat ver,

Xilasedici çıxış ver,

Və əbədi səadət ver.

Amin.

Allah Anasına çağırış

Ey hər şeyə qarşı rəhmli olan Bakirə Məryəm, xatırla ki,

əsrlərdən bəri heç kəs Sənə pənah aparanlardan,

Sənin köməyini istəyənlərdən,

Sənin himayəni axtaranlardan kiminsə,

Sənin tərəfindən tərk edildiyini eşitməyib.

Bu ümidlə dolaraq,

öz günahlarıma görə təvazökarlıq

və qəm ilə Sənə gəlirəm ey Bakirə, və Haqq-Təalanın Anası.

Ey Əzəli Sözün Anası, mənim sözlərimə xor baxma

və mənim istəyimə iltifatlı nəzər yetir.

Amin.

Magnificat

«Mənim qəlbim Rəbbi yüksəldir,

və mənim Xilaskarım olan Allah üçün ruhum şad oldu.

Çünki O, qulunun mütiliyini gördü;

budur, bundan sonra bütün nəsillər mənə bəxtiyar deyəcəklər.

Çünki Qadir, mənim üçün möhtəşəm işlər gördü;

Onun adı müqəddəsdir.

Onun mərhəməti nəsildən-nəslə Ondan qorxanlaradır.

Əli ilə qüdrət göstərdi.

Məğrurları öz ürəklərinin düşüncəsi ilə dağıtdı.

Hökmdarları taxtlarından endirdi; və mütiləri yüksəltdi.

Acları doyurdu; lakin zənginləri boş qaytardı.

Əbədiyyətə qədər İbrahim ilə onun nəslinə mərhəmət etməyi unutmayaraq,

Atalarımıza söz verdiyi kimi, qulu İsrailə yardım etdi.»